Студенттердің ғылыми-зерттеу жұмысы (СҒЗЖ) – бұл білім алушылардың ғылыми зерттеулер жүргізуге бағытталған ұйымдасқан қызметі, ол практикалық дағдыларды, шығармашылық ойлауды және кәсіби құзыреттілікті дамытуға ықпал етеді.

«Инженерлік пәндер және тиісті практикалар» кафедрасында СҒЗЖ ұйымдастырылған, оның аясында «Жас зерттеуші» ғылыми-зерттеу үйірмесі жұмыс істейді. Үйірменің жыл сайынғы жұмыс жоспары бар, қатысушылар құрамы жаңартылып отырады, ғылыми бағыты кафедраның тақырыбына сәйкес анықталады. Негізгі бағыттарға дәрілік өсімдік шикізатын зерттеу, дәрілік субстанциялар мен препараттар алу технологияларын әзірлеу, фармацевтикалық өндірісте инженерлік шешімдерді енгізу және өнімнің сапасын бақылау мен стандарттау әдістерін жетілдіру жатады.

Жыл сайын студенттік ғылыми жұмыстар конкурсы үш кезеңде – кафедра, университет және республика деңгейінде өткізіледі. 2024–2025 оқу жылында конкурсқа 64 білім алушылар қатысып, келесі кезеңдерге қатысуға ең белсенді және талантты қатысушылар анықталды. СҒЗЖ-ға қатысу профильдік пәндерді терең меңгеруге, кәсіби көкжиегін кеңейтуге және өзіндік зерттеу дағдыларын қалыптастыруға мүмкіндік береді.

2024–2025 оқу жылында кафедра бірқатар маңызды ғылыми және білім беру іс-шараларына белсенді қатысты, оның ішінде:

GxP-Фест 2025 (Мәскеу қ., РФ) – Еуразиялық тиісті практикалар академиясының V Халықаралық студенттік фестивалі, Ресей мен ЕАЭО елдерінің 98 жоғары оқу орнынан 134 команда қатысты. «Болашақтың цифрлық фармасы» номинациясында магистрант Швец Сергей мен студент Леденев Станислав I орынды иеленді. Ғылыми жетекші – фарм.ғ.к., қауымдастырылған профессор Ибрагимова Л.Н.

Жас ғалымдар мен студенттердің II Халықаралық форумы (Шымкент қ., ҚР) – Қазақстан мен жақын шетелдің студенттері, жас зерттеушілері және оқытушыларының қатысуымен; пленарлық және секциялық отырыстар, постерлік сессиялар, мастер-класстар өткізілді. Форум аясында өткен «Биология, медицина және фармацияның даму перспективалары» XI ғылыми конференциясында 1 курс магистранты Әмірбек Әлібек I дәрежелі дипломмен марапатталды.

«Фармация және стоматологияның басымдықтары: теориядан практикаға» XIII Халықаралық ғылыми-практикалық конференциясы (Алматы қ., ҚР) – кафедра ұйымдастыратын жыл сайынғы конференция, оның мақсаты – білім алушылар мен жас ғалымдардың зерттеу әлеуетін дамыту, ғылыми идеялар алмасу және фармацевтикалық өндірістің өзекті мәселелерін талқылау.

ANaMed Forum – New Generation 2025 (Алматы қ., ҚР) – жас ғалымдар мен студенттердің 2025 жылғы 4–5 маусымда өткен Халықаралық форумы.

Профессор Р. Дильбархановтың құрметіне арналған VII Халықаралық ғылыми-практикалық конференция – ANaMed Forum аясындағы іс-шара, ол фармация ғылымы мектебін қалыптастыру мен дамытуға және ұрпақтар сабақтастығына арналған.

Бұл белсенді жұмыс кафедраның зерттеу әлеуетін нығайтуға, білім алушылардың шығармашылық және кәсіби құзыреттерін дамытуға, академиялық байланысты кеңейтуге және халықаралық ғылыми қауымдастыққа интеграциялануға ықпал етеді.

Студенттердің ғылыми жұмыстар конкурсының 1-туры

 

GxP-Фест 2025 – Еуразиялық тиісті практикалар академиясының V Халықаралық студенттік фестивалі

 

Жас ғалымдар мен студенттердің II Халықаралық форумы

 

Үйірме мүшелерінің іс жүзіндегі ғылымы: біздің зертханалық зерттеулеріміз