Еңбек қызметі/кәсіби тәжірибесі. Жоғары оқу орнының жолдамасы бойынша 3 жыл химик-аналитик болып жұмыс істеді, Іле ауданының ГРЭС кентіндегі № 36 Орталық аудандық дәріхананың қолмен сату қызметі бар рецептуралық-өндірістік бөлімінің меңгерушісі болды (1979–1982). 1982 жылдан 1983 жылға дейін АММИ-дің «Фармацевтикалық химия» кафедрасында аға зертханашы болып жұмыс істеді. Сонымен қатар АММИ фармацевтика факультетінің штаттық комсомол хатшысы болды. Кейін әдіскер, аға әдіскер, Қазақстан Республикасы Денсаулық сақтау министрлігінің жоғары және орта медициналық білім беру жөніндегі РОӘК меңгерушісі қызметтерін атқарды. Оқу орындары Бас басқармасында Қазақстан Республикасының 5 медициналық жоғары оқу орны мен 28 медициналық училищесінде оқу-әдістемелік жұмысты үйлестірді. Республикалық медициналық училищенің «Фармакология» кафедрасында қосымша жұмыс атқарды. Конкурс бойынша 15-00-02 «Фармацевтикалық химия және фармакогнозия» мамандығы бойынша күндізгі аспирантураға түсіп, кандидаттық диссертациясын белгіленген мерзімде КСРО Денсаулық сақтау министрлігінің Бүкілодақтық фармация ғылыми-зерттеу институтында (БФҒЗИ), Ресей, Мәскеу қаласында сәтті қорғады (1988–1991). Ғылыми жұмыстарын Львов, Мәскеу, Харьков, Ташкент қалаларында жүргізді. Муниципалдық сот-медициналық сараптама мекемесінде химик-аналитик қызметін қоса атқарды (6 жыл). Қазақстан Республикасы Денсаулық сақтау министрлігінің Фармакопея комитетінде бас маман, Ғалым хатшы және сарапшы болып жұмыс істеді (1994–2010 жж.). Қазақстан аумағында отандық, жақын және алыс шетелдерде өндірілген дәрілік заттарды тіркеу, қайта тіркеу және сертификаттау мәселелерін үйлестірді және осы бағытта жұмыс жүргізді. Сонымен қатар фармацевтикалық химия кафедрасында конкурс арқылы ассистент, кейін «Фармацевтикалық және токсикологиялық химия, фармакогнозия және ботаника негіздерімен» кафедрасының доценті қызметінде сабақ берді (1995–2012 жж.). «Фармацевт-фармакогност» модулінің меңгерушісі болды (2009 ж. – 2017 ж.). 2017 жылдан бастап фармацевтикалық және токсикологиялық химия, фармакогнозия және ботаника кафедрасының профессоры болып табылады. Қазақстан Республикасы Білім және ғылым министрлігінде білім беру бағдарламалары бойынша тәуелсіз сарапшы болып табылады (сертификаты бар), сондай-ақ Қазақстан Республикасы Денсаулық сақтау министрлігінде тест тапсырмаларын әзірлеуші. 1995 жылы Германияда дәрілік заттарды талдау және сапасын бақылау бойынша тағылымдамадан өтті. 2005 жылдан бастап кредиттік оқыту жүйесі бойынша Саякова Г.М. «Фармакогнозия», «Фармакогнозия негіздері», «Ботаника», «Қазақстан Республикасының дәрілік өсімдіктері», «Халық медицинасында қолданылатын дәрілік өсімдіктер», «Құрамында эфир майлары бар өсімдік шикізатын талдау», «Фитонирингтің заманауи аспектілері», «Дәрілік өсімдіктердің фитохимиялық талдауы», «Дәрілік өсімдіктер мен дәрілік өсімдік шикізатын стандарттау», «Жануар текті шикізатты талдау», «Аромалогия», «Фитопрепараттарды стандарттау», «Табиғи дәрілік заттардың химиясы мен технологиясы», «Фитотерапия», «Дәрілік өсімдік шикізаты мен фитопрепараттарды тіркеуге, қайта тіркеуге және сертификаттауға қойылатын фармакопеялық талаптар» пәндері бойынша оқу-әдістемелік кешендер (ОӘК), тест тапсырмаларын, жұмыс бағдарламаларын әзірлеп, дайындады; 2026 жылы докторанттар үшін «Табиғи қосылыстар негізінде дәрілік заттарды әзірлеу және стандарттау» және «Өсімдік препараттарын талдаудағы аспаптық зерттеу әдістері» тақырыптары бойынша силлабустар әзірленді. Саякова Г.М. «Халықаралық бағдарламалар орталығы» АҚ-ның «Болашақ» халықаралық мемлекеттік бағдарламасының стипендия иегері болды (жарты жылдық ғылыми тағылымдама, 2013–2014 жж., сертификаты бар), Ресейдегі Санкт-Петербург химия-фармацевтикалық академиясында тағылымдамадан өтті. Саякова Г.М. – Қазақстан Республикасының «Жоғары оқу орнының үздік оқытушысы» атағының иегері. Бельгияда (Брюссель), Германияда (Кёльн, Люксембург және т.б.), Францияда (Париж), Венада (Австрия), Словакияда (Братислава), Венгрияда, Голландияда, Нидерландтарда тағылымдамадан өткен, сертификаттары бар. Жыл сайын Қазақстан Республикасы Білім және ғылым министрлігінің, Қазақстан Республикасы Денсаулық сақтау министрлігінің, С.Д. Асфендияров атындағы ҚазҰМУ-дың университетішілік гранттық ғылыми жұмыстарына қатысады.

Дипломдық жұмыс орындаушы студенттермен жетекші және кеңесші ретінде тұрақты жұмыс жүргізеді, 1 және 2 оқу жылындағы магистранттары мен докторанттары бар.

Ғылыми қызығушылық саласы. Отандық синтетикалық, өсімдік, жануар және минералдық текті шикізаттан жаңа дәрілік заттарды зерттеу, жасау және әзірлеу. Фитопрепараттарды іздеу және оларды отандық фармацевтикалық нарыққа енгізу. Дәрілік заттардың фармацевтикалық сараптамасы және сапасын бақылау. Бейне дәрістер: Алкалоидтардан тұратын дәрілік өсімдік шикізаты мен дәрілік өсімдіктерді талдау https://youtu.be/xkfNDqKQfdU, Талдау полисахаридтер, жүрек гликозидтері, сапониндер, дәрумендерден тұратын дәрілік өсімдік шикізатын талдау. Сапониндерден тұратын дәрілік өсімдік шикізаты мен дәрілік өсімдіктерді талдау. Дәрілік заттарға нормативтік құжаттаманы әзірлеу.

Ғылыми жетістіктері/жарияланымдары. 400 ғылыми еңбек, оның ішінде 7 патент, оқу және ғылыми үдерістерге енгізудің 7 актісі, монография, 5 оқу құралы, «Фармакогнозия» бойынша оқулық, фармацевтикалық мамандық бойынша 4 үлгілік оқу бағдарламасы. «Трансляциялық медицинаны қалыптастыру мен дамытуды ғылыми-әдістемелік негіздеу» гранттық жұмысының қатысушысы (05.05.2014 ж. № 1830 бұйрық). Жыл сайын кафедраның бастамашылық тақырыбы бойынша жұмысқа қатысады.

Марапаттары: С.Д. Асфендияров атындағы ҚазҰМУ-дың Алтын медалі, «Еңбек ардагері» медалі, Қазақстан Республикасы Тәуелсіздігінің 20 жылдығына арналған Құрмет белгісі, «С.Д. Асфендияров атындағы ҚазҰМУ-дың қола медалі». «Еңбек ардагері» медалі, «ҚР ЖОО үздік оқытушысы», «С.Д. Асфендияров атындағы ҚазҰМУ алдындағы еңбегі үшін» Құрмет грамоталары, ҚР ДСМ және ҚР БҒМ Құрмет грамоталары және т.б. «ҚазҰМУ-дың үздік кафедрасы» жеңімпазының Құрмет грамотасы (Саякова Г.М. басқарған). Студенттік үйірмелердің үздік жұмысына арналған конкурс жеңімпазына алғыс жарияланған. Қазақстан бойынша конкурс жеңімпазы, «Үздік ғылыми жұмыс» үшін I дәрежелі диплом, медаль және сертификат иегері.

Негізгі еңбектері: Қазіргі уақытта жарық көрген:

• «Фармацевтическая ботаника», «Фармацевтикалық ботаника» – 1 курс студенттеріне арналған орыс және қазақ тілдеріндегі оқулықтар;
• «Фармакогнозия» – практикалық сабақтарға арналған оқу құралы, «Фармакогнозия – тәжірибелік сабақтар» – орыс және қазақ тілдерінде.

Баспаға екі оқу құралы дайындалған: «Дәрілік заттарды фармацевтикалық талдау» және «Фармакогностикалық сөздік».

2019 жылы С.Д. Асфендияров атындағы Қазақ ұлттық медицина университетін үздік бітірді. Қызыл дипломы және GPA 3.69 бар ««Фармация» мамандығының 2019 жылғы үздік түлегі» номинациясы бар. Бакалавриатты бітіргеннен кейін сол жылы Қ.Сағадиев атындағы Халықаралық бизнес университетіне (UIB) «Менеджмент» мамандығы бойынша магистратураға түсті. 2021 жылы «Фармацевтика саласының болашақ мамандарының ұйымдық-басқару құзыреттілігі» тақырыбы бойынша магистрлік диссертациясын сәтті қорғады.

Владимир Сергеевич өзінің еңбек жолын 2019 жылдың қараша айында , профессор Рузуддинова атындағы Жоғары медициналық-стоматологиялық колледжде «Фармация» мамандығы бойынша арнайы пәндер оқытушысы қызметінен бастады. Бұл колледжде Владимир Сергеевич 2022 жылдың қаңтарына дейін жұмыс істеді.

2022 жылғы қаңтар айынан бастап С.Д. Асфендияров атындағы Қазақ ұлттық медицина университетінің фармацевтикалық, токсикологиялық химия, фармакогнозия және ботаника кафедрасында ассистент қызметін атқарды.

2023 жылғы қыркүйек айынан бастап фармацевтикалық, токсикологиялық химия, фармакогнозия және ботаника кафедрасының оқу ісінің меңгерушісі қызметін атқарды.

2024 жылғы қыркүйек айынан бастап фармакогнозия және ботаника курсы кафедрасының оқу ісінің меңгерушісі қызметін атқарып келеді.

2025 жылғы ақпан айында фармакогнозия және ботаника курсы кафедрасының лекторы қызметіне ауыстырылды.

«Фармакогнозия» пәні бойынша үш рет академиялық ұтқырлық бағдарламасына қатысты: Қазақстан Республикасының Алматы қаласындағы Қазақстан-Ресей медицина университетінде, 2024 жылы Өзбекстан Республикасының Ташкент қаласындағы Ташкент фармацевтикалық институтында шетелдік академиялық ұтқырлықтан өтті, сондай-ақ 2026 жылы Ташкент фармацевтикалық институтында академиялық ұтқырлық бағдарламасына қатысты.

Еңбек қызметі барысында Владимир Сергеевич РИНЦ, ККСОН ұсынған басылымдарда және Scopus деректер базасына енгізілген журналдарда көптеген ғылыми мақалалар мен тезистер жариялады. Сонымен қатар, медициналық колледждердің «Фармация» мамандығына арналған «Менеджмент және маркетинг негіздерімен фармацияны ұйымдастыру және экономикасы I» пәні бойынша оқу-әдістемелік кешеннің авторы болып табылады. Оқу-әдістемелік кешен Алматы қаласында 2022 жылы жарық көрген, көлемі – 391 бет.

Сондай-ақ, 2026 жылы Қазақстан Республикасының медициналық және фармацевтикалық колледждерінің студенттеріне арналған «Фармакогнозия» оқулығын жарыққа шығарды-411 бет.

Халықаралық ғылыми-практикалық конференциялар мен олимпиадалардың 12 жүлдегерін дайындады. 2025 жылы студенттердің ғылыми-зерттеу жұмыстарының республикалық конкурсында II орын иеленген Бахытжан Азаматты дайындады.

Еңбек қызметі барысында Владимир Сергеевичтің жетекшілігімен «Фармацевтикалық өндіріс технологиясы» білім беру бағдарламасының 12 түлегі дипломдық жұмыстарын сәтті қорғады.

Кафедрада Ан Владимир Сергеевич белсенді еңбек қызметін атқарады, фармакогнозия курсы бойынша ғылыми мақалалар жазады, жас мамандарды тәрбиелеу мен даярлауға көп көңіл бөледі, студенттердің ғылымға деген қызығушылығын арттыруға ықпал етеді. Владимир Сергеевичтің шәкірттері студенттердің ғылыми-зерттеу жұмыстары бойынша жоғары оқу орныішілік байқауларда және халықаралық ғылыми-практикалық конференцияларда жүлделі орындарға ие болып жүр.

Еңбек қызметі барысында ол теориялық және практикалық даярлығының жоғары деңгейін көрсетті, өзінің кәсіби біліктілігін, практикалық және теориялық дағдыларын үнемі жетілдіріп отырады. Ғылыми және оқу-әдістемелік жұмыстарымен қатар, Фармация мектебінің қоғамдық өміріне де белсенді қатысады.

Ғылыми бағыты: Фитосубстанциялар мен табиғи текті дәрілік препараттарды әзірлеу және стандарттау.

Технолог, техника ғылымдарының магистрі, ботаника курсымен фармакогнозия кафедрасының лекторы

Ахатаева Улбосын Абаевна 2011 жылы әл-Фараби атындағы ҚазҰУ “Химия” мамандығы бойынша бакалавриатты аяқтады. 2019 жылы С.Ж.Асфендияров атындағы ҚазҰМУ магистратурасын «Фармацевтикалық өндіріс технологиясы» мамандығы бойынша (ғылыми-практикалық бағыт) аяқтады. «Исландиялық мүктің дәрілік өсімдік шикізаты негізінде фитосубстанцияны фармацевтикалық әзірлеу (Сетрария islandis (L.) Асһ.)» атты магистерлік диссертацияны қорғады.

Улбосын Абаевна еңбек жолын 2011 жылы “Фармацевт-фармакогност” модулінің аға зертханашысы қызметінен бастады. 2019 жылдың қыркүйек айынан бастап КЕАҚ «С. Д. Асфендияров атындағы ҚазҰМУ» фармацевтикалық және токсикологиялық химия, фармакогнозия және ботаника кафедрасында оқытушылық қызмет атқарады, қазір ботаника курсымен фармакогнозия кафедрасының лекторы болып жұмыс істейді.

Кафедрада оқытылатын негізгі пән – табиғи дәрілік заттардың химиясы мен технологиясы.

Ғылыми қызығушылық саласы: дәрілік өсімдік шикізаты негізінде фитосубстанциялардың фармацевтикалық әзірлемелері, дәрілік өсімдік шикізатының сапасын бақылау және белгіленген стандарттарға сәйкес стандарттау.

Ғылыми жарияланымдар: халықаралық ғылыми-практикалық журналдарда жарияланған 10-нан астам ғылыми жұмыстардың авторы.

Фармация мамандығы бойынша медицина ғылымдарының магистрі, Ботаника курсымен фармакогнозия кафедрасының ассистенті

Рахимова Н.А., 2018 ж. 5B110300-“Фармация” С.Ж. Асфендияров атындағы ҚазҰМУ мамандығы бойынша бакалавриатты аяқтады.

2020 жылы 6М110400-“Фармация” С.Ж.Асфендияров атындағы ҚазҰМУ мамандығы бойынша магистратураны аяқтады.

2020 жылы өзінің кәсіби қызметін С.Ж. Асфендияров атындағы ҚазҰМУ фармацевтикалық технология кафедрасының ассистенті қызметінен бастады.

2022 жылдың қыркүйек айынан бастап 8D10102 – Фармация мамандығы бойынша С.Ж. Асфендияров атындағы ҚазҰМУ докторантурасында оқиды.

2024 жылдың қыркүйегінен бастап Н.А. Рахимова ботаника курсымен фармакогнозия кафедрасының асситенті қызметін атқарады және келесі пәндерден сабақ береді: “Фармацевтикалық ботаника”, “Табиғи дәрілік заттардың химиясы мен технологиясы”.

Ғылыми жарияланымдар: 10-нан астам ғылыми жарияланымдардың, оның ішінде ҚР Ғылым және жоғары білім министрлігінің Ғылым және жоғары білім саласындағы сапаны қамтамасыз ету Комитеті ұсынған басылымдардың авторы.

Ғылыми тағылымдама: Люблин медициналық университетінде, Польша, Люблин қаласында ғылыми тағылымдамадан өтті.

Фармацевт, «Фармация» мамандығы бойынша мед.ғ.магистрі Ботаника курсымен фармакогнозия кафедрасының лекторы

Хамитова Ақжонас Ермековна “Фармация” мамандығы бойынша С.Ж.Асфендияров атындағы ҚазҰМУ түлегі (2016 ж. бакалавр). 2018 жылы “Қызылбас беде (Trifolium pratense) шикізатын дайындау технологиясын әзірлеу және стандарттау” тақырыбында диссертация қорғап магистратураны (ғылыми-практикалық бағыт) бітірді.

Ақжонас Ермековна өзінің еңбек жолын 2018 жылы химия-фармацевтика пәндер кафедрасының оқытушысы болып бастады, қазіргі уақытта Ботаника курсымен фармакогнозия кафедрасының лекторы болып жұмыс істейді.

Кафедрада оқытылатын негізгі пәндер: Фармацевтикалық ботаника, Фармакогнозия, Табиғи дәрілік заттардың химиясы мен технологиясы, Фитонирингтің заманауи аспектілері.

2023 жылы “Фармация” білім беру бағдарламасы бойынша докторантураны аяқтады, докторлық диссертация тақырыбы: “Құрамында азот бар гетероциклді қосылыстар негізінде белсенді фармацевтикалық субстанцияларды синтездеу және зерттеу”.

Ғылыми бағыты: құрамында азот бар қосылыстар негізінде жаңа белсенді фармацевтикалық субстанцияларды синтездеу, дәрілік өсімдік шикізаты негізінде дәрілік заттардың сапасын бақылау және әзірлеу.

Ғылыми жарияланымдар: 10-нан астам ғылыми жұмыстардың, оның ішінде Scopus халықаралық ақпараттық ресурстарына кіретін ғылыми басылымда 3 мақаланың авторы. Хирш Индексі-1.

Ғылыми тағылымдама. Ян Коменский университетінде (фармакогнозия кафедрасы), Братислава қаласында, Словакияда; Сассекс университетінде (микробиология кафедрасы), Брайтон қаласында, Англияда ғылыми тағылымдамадан өтті.

Технолог, техника ғылымдарының магистрі, ботаника курсымен фармакогнозия кафедрасының ассистенті

Назаров Сүйіндік Ғалымжанұлы 2018 жылы Е.А. Бөкетов атындағы Қарағанды ұлттық университетіне «Фармацевтикалық өндірістің технологиясы» мамандығы бойынша оқуға түскен. Оқуын 2022 жылы сәтті аяқтап, үздік дипломға ие болған. Дипломдық жұмысының тақырыбы – биологиялық белсенділікке ие пиррол-Кнорр интермедиаттарын синтездеу және зерттеу мәселесіне арналған.

2022 жылы С.Д. Асфендияров атындағы Қазақ ұлттық медицина университетінің «Фармацевтикалық өндірістің технологиясы» мамандығының ғылыми-педагогикалық бағытта магистратураға түсті. 2024 жылы «Alhagi pseudalhagi сұйық экстрактісін алу технологиясын жасау» тақырыбында магистрлік диссертациясын қорғады, онда жоғары сапалы биологиялық белсенді препарат алу үшін инновациялық экстракция әдістемесін ұсынылды.

Сүйіндік Ғалымжанұлы өзінің кәсіби қызметін 2024 жылы бастады. Қазіргі уақытта фармакогнозия кафедрасының ассистенті қызметін атқарып, «Табиғи қосылыстардың химиясы мен технологиясы» пәнін жүргізеді.

Ғылыми бағыттары: Пиррол-Кнорраның перспективті фосфорланған туындыларын синтездеу және биологиялық активтілігін зерттеу, өсімдік шикізатынан экстракттарды алу параметрлерін оңтайландыру арқылы биологиялық белсенді қосылыстардың шығымы мен сапасын арттыру.

Ғылыми жарияланымдары: 5-тен астам ғылыми еңбектің авторы.

Медицина ғылымдарының магистрі, Ботаника курсымен фармакогнозия кафедрасының ассистенті

Әбдіқадыр Назым Мұхтарқызы “Фармацевтикалық өндіріс технологиясы» мамандығы бойынша Шымкент қаласы Оңтүстік Қазақстан медицина академиясы түлегі (2021 ж. бакалавр). 2023 жылы “Шалғын чинасының (Láthyrus praténsis) фармакогностикалық талдау” тақырыбында диссертация қорғап магистратураны (ғылыми- практикалық бағыт) бітірді.

Әбдіқадыр Назым Мұхтарқызы өзінің еңбек жолын 2022 жылы Оңтүстік Қазақстан медицина академиясында “Фармакогнозия” кафедрасында оқытушы болып бастады, қазіргі уақытта С.Ж.Асфендияров атындағы ҚазҰМУ университеттінде “Ботаника курсымен фармакогнозия” кафедрасында ассистент қызметін істейді.

Кафедрада оқытылатын негізгі пәндер: Табиғи дәрілік заттардың химиясы, Фармакогнозия негіздері.

Ғылыми бағыты: “Шалғын чинасының (Láthyrus praténsis) фармакогностикалық талдау”.

Ботаника курсымен фармакогнозия кафедрасының лаборанты

Абдуллаев Медет Сабирбаевич «С.Ж. Асфендияров атындағы Қазақ ұлттық медицина университеті» КеАҚ Фармация мектебінің 6В07201-«Фармацевтикалық өндіріс технологиясы» білім беру бағдарламасының түлегі. 2026 жылы бакалавриат бағдарламасы бойынша оқуын аяқтап, «Passiflora incarnata L. құрғақ экстракты бар қатты желатинді капсулалардың құрамы мен алу технологиясын әзірлеу» тақырыбындағы дипломдық жұмысын сәтті қорғады.

2026 жылы «С.Ж. Асфендияров атындағы Қазақ ұлттық медицина университеті» КеАҚ-тың 7М07201-«Фармацевтикалық өндіріс технологиясы» білім беру бағдарламасы бойынша ғылыми-педагогикалық бағыттағы магистратураға оқуға түсіп, кәсіби даярлығы мен ғылыми-зерттеу қызметін жалғастырды.

Оқу кезеңінде ғылыми-зерттеу жұмыстарына, студенттік ғылыми іс-шараларға, конференциялар мен фармацевтикалық ғылымдар саласындағы кәсіби конкурстарға белсенді қатысты.

2025 жылы Ресей Федерациясының Өнеркәсіп және сауда министрлігі мен Еуразиялық экономикалық комиссияның қолдауымен Еуразиялық тиісті практикалар академиясы ұйымдастырған V Халықаралық студенттік «GxP-Фест 2025» фестиваліне қатысты.

2025 жылы Абдуллаев Медет Сабирбаевичтің «Қазақстан Республикасының фармацевтикалық нарығындағы седативті дәрілік препараттарға маркетингтік талдау» атты ғылыми жұмысы XX Халықаралық «Үздік зерттеу жұмысы 2025» ғылыми-зерттеу конкурсында ұсынылып, конкурстың ғылыми еңбектер жинағының «Фармацевтикалық ғылымдар» бөлімінде жарияланды.

2025 жылдың қараша айында Берлин қаласында (Германия) өткен 11th International Scientific Conference «Foundations and Trends in Modern Learning» халықаралық ғылыми конференциясына қатысып, «Relevance of Psycho-Emotional Disorders in Modern Society: Epidemiology, Causes, and Social Consequences» атты ғылыми жұмысын ұсынды.

Негізгі ғылыми қызығушылықтары дәрілік өсімдік шикізатын және табиғи биологиялық белсенді қосылыстарды зерттеумен, дәрілік қалыптар технологиясын әзірлеу және жетілдірумен, өсімдік экстракттарын алу және стандарттаумен байланысты.