Литва денсаулық ғылымдары университетінің профессоры, медициналық технологиялар және әлеуметтік фармация кафедрасының меңгерушісі Jurga Bernatonienė-нің (H-индекс, 32) оқу бағдарламасының нәтижелері бойынша С.Д. Асфендияров 2024 жылдың 17 сәуірінде №4 оқу ғимаратында «Фитотека» мәжіліс залында «ИННОВАЦИЯЛЫҚ ФАРМАЦЕВТИКАЛЫҚ ӨНІМДЕР: КОНЦЕПЦИЯДАН НАРЫҚҚА ДЕЙІН» тақырыбында ашық қорытынды дәрісі өтті.
Дәріске «Фармацевтикалық технология негіздері» пәні аясындағы «Фармацевтикалық өндіріс технологиясы» мамандығының 3 курс студенттері және Фармация мектебінің оқытушылар құрамы қатысты.
Ашық дәріс барысында шақырылған профессор Jurga Bernatonienė өздерінің ғылыми бағыттары мен жетістіктерін, оқу бағдарламаларының түрлерін, оқу корпустары мен зертханалардың жабдықталуын, сондай-ақ Литва денсаулық ғылымдары университетінің инфрақұрылымын көрсетті.
Фармацевтикалық технологиядағы жаңа инновациялық бағыттардың бірі дәрілік түрлерді басып шығару немесе фармацевтикалық препараттарды 3D принтер арқылы басып шығару болып саналады, ол Литва денсаулық ғылымдары университетінің Фармацевтикалық технологиялар және әлеуметтік фармация кафедрасында профессор Jurga Bernatonienė жетекшілігімен қолданылып келеді.
Аталған заманауи технология таблеткалар сияқты жеке пациенттерге арналған фармацевтикалық препараттарды жасау үшін 3D басып шығару әдістерін пайдаланады.
Фармацевтикалық 3D басып шығару технологиясы дәрілердің құрамы мен дозасын дәл бақылауға мүмкіндік береді, бұл адамның жасы, салмағы және денсаулық жағдайы сияқты нақты қажеттіліктеріне негізделген науқастардың жеке қолдануға арналған дәрі-дәрмек шығаруға мүмкіндік береді.
Ашық дәріс соңында профессор Jurga Bernatonienė ФӨТ 21-054к тобының студенттеріне және фармацевтикалық технология кафедрасының оқытушысы PhD доктор Койлыбаева М.К.- на электрондық оқыту құралдары мен онлайн телехабарларды қолдану арқылы өткен 10 күндік сабақтардың аясында қызығушылықтары мен кәсіби жұмыстары үшін алғысын білдірді.
Өз кезегінде фармацевтикалық технология кафедрасының меңгерушісі, профессор Устенова Гульбарам Омаргазиевна профессор Jurga Bernatonienė-ге, студенттерге, кафедраның барлық жауапты қызметкерлеріне бірлесіп атқарған жұмыстары үшін алғыс айтып, оқуды сәтті аяқтағаны туралы сертификаттар табыстады.
Профессор Jurga Bernatonienė-нің білім беру бағдарламасы аяқталғаннан кейін фармацевтикалық технология кафедрасының оқыту үрдісіне онлайн-теледидарлық хабарларды электронды оқытудың инновациялық әдісі тиімді оқыту құралы ретінде енгізу актісі рәсімделді.
