2026 жылғы 24 қаңтарда Bilim Zhane Bolashak халықаралық ғылыми-білім беру жобасы аясында онлайн форматта «Педагогикалық практикадағы этикалық дилеммалар» атты халықаралық ғылыми баттл өтті. Іс-шара Қазақстан, Өзбекстан және Ресей Федерациясынан келген академиялық қауымдастық өкілдерін, педагогтер мен білім алушыларды біріктірді. Ұйымдастырушылар — әл-Фараби атындағы Қазақ ұлттық университетінің орыс филологиясы кафедрасы және Алматы қаласының Білім берудегі жаңа технологиялар жөніндегі ғылыми-әдістемелік орталығы.

Баттлға жетекші білім беру ұйымдарының командалары, соның ішінде С. Д. Асфендияров атындағы Қазақ ұлттық медицина университеті қатысты. Форматтың бірегейлігі — оқытушылар мен мұғалімдер қатысушы ретінде өнер көрсетіп, ал сарапшылар мен қазылар алқасының мүшелері рөлін мектеп оқушылары мен студенттер атқарды. Байқау қорытындысы бойынша Қазақстанның Pulse және Phoenix командалары екінші орын иеленді. Pulse командасының құрамында ҚазҰМУ-дың PhD, қауымдастырылған профессоры Тлеубаева Меруерт Ильясовна қатысты. Қорытынды викторина аясында С. Д. Асфендияров атындағы Қазақ ұлттық медицина университетінің «Фармация» білім беру бағдарламасының 4-курс студенттері жоғары дайындық деңгейін көрсетті: Әбдіәкім Ақсәуле I дәрежелі дипломмен, Әділбекова Әсел II дәрежелі дипломмен марапатталды.

Іс-шара педагогикалық практикадағы өзекті этикалық мәселелерді талқылауға арналған маңызды халықаралық алаңға айналып, тұрақты білім беру дамуы контекстінде жоғары оқу орындары арасындағы ынтымақтастықты нығайтуға ықпал етті.