Кафедраның ғылыми-зерттеу қызметі фармацевтикалық өндірістің инженерлік және технологиялық аспектілерін тиісті тәжірибелер (GxP) қағидаттарына және фармацевтикалық саланың қазіргі талаптарына сәйкес дамытуға бағытталған.
Кафедра жұмысының негізгі бағыттарына мыналар кіреді:
– фармацевтикалық инженерия, медициналық бұйымдар өндірісі, технологиялық процестердің валидациясы және сапаны қамтамасыз ету салаларында іргелі және қолданбалы зерттеулер жүргізу;
– профессор-оқытушылар құрамы, магистранттар мен студенттердің ғылыми жобаларға қатысуы арқылы ғылым мен білімнің интеграциясын дамыту;
– ғылыми зерттеулердің нәтижелерін оқу процесін жетілдіру және қызметкерлердің біліктілігін арттыру үшін пайдалану;
– халықаралық ғылыми ынтымақтастықты нығайту және бірлескен бағдарламаларға, гранттарға және жобаларға қатысу;
– фармацевтикалық технологиялар мен инженерлік пәндер саласында жас зерттеушілерді даярлау және ғылыми кадрлық әлеуетті дамытуға ықпал ету.
Кафедра жыл сайын ғылыми және ғылыми-техникалық жобалар бойынша гранттық қаржыландыру (ҚР ҒЖБМ), ішкі университеттік гранттар және халықаралық бағдарламалар (Erasmus+) конкурстарына белсенді қатысады.
Кафедрада келесі ғылыми жобалар жүзеге асырылуда: «Оңтүстік Қазақстан аймағының дәрілік өсімдіктері негізінде өсімдік субстанцияларының толық циклді өндірісін әзірлеу» (2024–2026 жж.) және «Стоматологиялық практикада қолдануға арналған дентальды пленкаларды фармацевтикалық әзірлеу және фармакологиялық зерттеу» (2023–2025 жж.).
Жас ғалымдарды қолдау («Жас ғалым» гранттары): «Экологиялық тұрақты технологиялар мен ресурстарды үнемдеу үшін эпоксидті қосылыстар негізінде жоғары тиімді көпфункционалды ионалмастырғыштарды синтездеу» (2025–2027 жж.) және «Кардиотоникалық профильдегі экстрактыларды алу технологиясын әзірлеу және стандарттау» (2024–2026 жж.).
Ішкі университеттік гранттар: «Каолинитті саздар мен дәрілік өсімдіктердің эфир майлары негізінде фармацевтикалық өнімдерді жасау және стандарттау» және «Ортодонтияға арналған өсімдік субстанциялары негізіндегі ауыз қуысына күтім жасау құралдарын фармацевтикалық әзірлеу» (2025-2027 жж.).
Erasmus+ Key Action 1 (КА171) бағдарламасы шеңберінде студенттер мен қызметкерлердің мобильдігі бойынша «Mobility of higher education students and staff between EU Member States and third countries associated to the Programme and third countries not associated to the Programme» жобасы іске асырылуда.
Кафедра қызметкерлері өз зерттеулерінің нәтижелерін Science Citation Index Expanded дерекқорына индекстелетін және Web of Science базасындағы 1 (бірінші), 2 (екінші) және 3 (үшінші) квартильдерге кіретін, сондай-ақ Scopus базасында CiteScore бойынша пайыздық көрсеткіштері бар (Q1, Q2, Q3) рецензияланатын ғылыми басылымдарда жүйелі түрде жариялайды.
Кафедра қызметкерлері жыл сайын жоғары өнертапқыштық белсенділік танытып, оқу процесіне арналған монографиялар мен электрондық оқулықтарды шығарады.
Кафедра академиялық мобильділікке және халықаралық ынтымақтастыққа ерекше көңіл бөледі. Оқытушылар келесі шетелдік жетекші жоғары оқу орындарында ғылыми тағылымдамадан өтеді:
- Коменский университеті (Comenius University Bratislava) (Братислава қ., Словакия);
- Халықаралық инновациялық технологиялар университеті (ХИТУ) (Бішкек қ., Қырғызстан);
- Фудань университеті (Fudan University) (Шанхай қ., ҚХР);
- Шэньчжэнь университеті (Shenzhen University) (ҚХР) — SZU Top Ranking Project бірлескен жобасы аясында.
Тағылымдама ҚазҰМУ профессор-оқытушылар құрамының біліктілігін арттыру бағдарламасы аясында жүзеге асырылды. Бағдарлама ғылыми құзыреттерді дамытуға, тәжірибе алмасуға және университет профессорларымен және зерттеушілерімен бірлескен зерттеулер жүргізуге бағытталған.
