15 наурызда Қайырымдылық күніне орай «С.Ж. Асфендияров атындағы Қазақ ұлттық медицина университеті» КЕАҚ Фармация мектебінің Ботаника курсымен фармакогнозия кафедрасының ұжымы кафедра меңгерушісі Саякова Г.М. жетекшілігімен студенттермен бірге Алматы қаласындағы «SOS Children’s Village Almaty» балалар үйіне барды.
Сапар барысында қайырымдылық жинағы ұйымдастырылып, оның нәтижесінде балалар үйінің тәрбиеленушілеріне қажетті тұрмыстық заттар: жастықтар, төсек-орын жабдықтары және ойыншықтар табысталды. Аталған іс-шара қамқорлыққа, назарға және әлеуметтік қолдауға мұқтаж балаларға көмек көрсету мен қолдау көрсетуге бағытталды.
Кездесу шынайы ықыласқа, мейірімділікке және жағымды эмоцияларға толы жылы әрі достық атмосферада өтті. Балалардың күлкісі мен қуанышы барлық қатысушылар үшін ең жоғары марапат болды.
Балалар үйінің басшылығы кафедра қызметкерлері мен студенттеріне шынайы алғыс білдіріп, көрсетілген көмек пен қамқорлық үшін алғыс хат табыстады.
Осындай бастамалар білім алушыларда жоғары адамгершілік құндылықтарды, әлеуметтік жауапкершілікті және қайырымдылық қызметке ұмтылысты қалыптастыруға ықпал етеді.
