2025 жылғы 27-28 қарашада Оңтүстік Қазақстан медицина академиясында (Шымкент қ., Қазақстан) «Фармация» білім беру бағдарламасы бойынша профессор, фармация ғылымдарының докторы, Азия Ғылым академиясының академигі, Халықаралық Ғылым академиясы Әзербайжан секциясының академигі Сағындықова Баян Ахметқызының 70 жылдық мерейтойына арналған Халықаралық студенттік олимпиада өтті. Іс-шара ТМД елдерінің фармацевтикалық факультеттерінің дарынды студенттерін біріктірген маңызды ғылыми-білім беру алаңы болды және кәсіби тәжірибе алмасуға, білім мен дағдыларды тереңдетуге мүмкіндік берді.
Олимпиадаға қатысқан жоғары оқу орындары:
•ㅤИ.К. Ахунбаев атындағы Қырғыз мемлекеттік медицина академиясы (Бішкек қ., Қырғызстан);
•ㅤФармацевтикалық білім беру және зерттеу институты (Ташкент қ., Өзбекстан);
•ㅤТашкент фармацевтика институтының екі командасы – «LabRangers» және «Плацебо» (Ташкент қ., Өзбекстан);
•ㅤ«Астана медицина университеті» КЕАҚ (Астана қ.);
•ㅤ«С.Ж. Асфендияров атындағы Қазақ ұлттық медицина университеті» КЕАҚ (Алматы қ.);
•ㅤ«Қарағанды медицина университеті» КЕАҚ (Қарағанды қ.);
•ㅤ«Марат Оспанов атындағы Батыс Қазақстан медицина университеті» КЕАҚ (Ақтөбе қ.);
•ㅤқабылдаушы тарап – Оңтүстік Қазақстан медицина академиясы (Шымкент қ.).
Қатысушылардың жоғары дайындығы мен ұсынылған ғылыми мектептердің көптүрлілігі олимпиаданың фармацевтикалық білім беру саласындағы маңызды студенттік шара мәртебесін нығайтты.
С.Ж. Асфендияров атындағы ҚазҰМУ-дың «PHARM VISION» командасы терең кәсіби білімін, практикалық дағдыларын және күрделі фармацевтикалық жағдайларда жылдам бағдарлана алу қабілетін көрсетті. Олимпиаданың барлық кезеңдерінің қорытындысы бойынша – теориялық, практикалық және ситуациялық-клиникалық – команда I орынға ие болып, Қазақстан, Қырғызстан және Өзбекстанның мықты командаларынан озып, дипломмен марапатталды.
Бұл нәтиже Фармация мектебіндегі білім беру үдерісінің жоғары деңгейін және фундаменталды пәндер, клиникалық фармация, GMP/GDP қағидаттары мен студенттердің ғылыми-зерттеу жұмысының тиімді интеграциясын көрсетті.
Команда құрамы:
•ㅤСалықбаев Асхат Алматұлы – 4 курс студенті (ФА22-004о тобы, «Фармация» БББ) – жоғары зерттеу әлеуетін көрсетеді, ғылыми жобаларды іске асыруға үлес қосады және ғылыми қызметке тұрақты қызығушылық танытады. Олимпиадада көрсеткен жоғары нәтижелері үшін «Қазылар алқасының таңдауы» номинациясы бойынша дипломмен марапатталды.
•ㅤӘлімжанова Камила Арманқызы – 4 курс студенті (ФА22-004о тобы, «Фармация» БББ) – аналитикалық ойлау мен фармацевтикалық зерттеулерге қызығушылық танытты. Олимпиадада сәтті көрсеткені үшін “ең жылдам ақыл”номинациясы бойынша дипломға ие болды.
•ㅤЕрмекқызы Әлия – 4 курс студенті (ФА22-004қ тобы, «Фармация» БББ) – студенттердің ғылыми-зерттеу жұмыстарының белсенді қатысушысы.
•ㅤЖұман Жәмила Болатқызы – 4 курс студенті (ФА22-004о тобы, «Фармация» БББ) – өзін ғылыми іс-шараларға белсенді қатысатын жауапты, тәртіпті және бастамашыл студент ретінде көрсетті.
Олимпиадаға қатысу студенттер үшін кәсіби ой-өрісті кеңейтуге, сыни ойлау дағдыларын дамытуға және жоғары оқу орындары арасындағы ғылыми ортада өз мүмкіндіктерін көрсетуге мүмкіндік берді.
Команданың дайындығы Фармация мектебінің деканы Сакипова З.Б., Фармация мектебінің студенттердің ғылыми-зерттеу жұмысы бойынша жетекшісі Рахымбаева Н.А., «Фармация» білім беру бағдарламасының жетекшісі Тлеубаева М.И. және тренерлер Аюпова Р.Б., Аширов М.З., Масақбаев А.Д., Хамитова А.Е. басшылығымен жүргізілді.
Оқытушылар құрамының үйлесімді жұмысы мен кәсіби тәлімгерлігі команданың жоғары нәтижесіне ықпал етті.
Халықаралық студенттік олимпиададағы жеңіс – қатысушылардың жеке жетістігі ғана емес, сонымен қатар Фармация мектебінің бәсекеге қабілетті мамандар даярлау бағытындағы жүйелі жұмысының нәтижесі. Бұл жетістік ҚазҰМУ студенттерінің Қазақстанды халықаралық академиялық аренада лайықты деңгейде таныта алатынын көрсетті.
