Фармацевтикалық өндіріс технологиясы білім беру бағдарламасының 4-курс білім алушылар үшін өндірістік және дипломалды тәжірибе аясында Инженерлік пәндер және тиісті практикалар кафедрасында дәрістер өткізіледі. Бұл дәрістер білім алушылардың теориялық білімдері мен тәжірибелік дағдыларын ұштастыруға, өндірістік ортада кәсіби құзыреттіліктерін жетілдіруге бағытталған.

Оқыту үдерісі барысында білім алушылар фармацевтикалық өндірістің заманауи технологияларымен, өндірістік процестерді ұйымдастыру ерекшеліктерімен, сапаны бақылау жүйелерімен және нормативтік талаптармен танысады. Сонымен қатар, дәрістер барысында дипломдық жұмыстарға негіз болатын ғылыми-зерттеу әдістері мен өндірістік практика барысында кездесетін өзекті мәселелер талқыланады.

Бұл шара болашақ мамандардың кәсіби құзыреттілігін арттыруға, теория мен тәжірибені интеграциялауға және өндірістік процестерді терең түсінуге мүмкіндік береді.