Фармацияның ұйымдастырылуы, басқарылуы және экономикасы және клиникалық фармация кафедрасының оқытушысы Конаш Нышанбай Ермекұлы қараша айының 21 жұлдызында ФӨТ20-012к тобымен тәлімгерлік сағат өткізді. Тәлімгерлік сағатқа арқау болған тақырып: «Жаңа Қазақстан патриотизмі – көпұлтты қоғамның табысының негізі».
Қазіргі қоғамда жастарға патриоттық тәрбие беру аса маңызды мәнге ие. Көптеген ғалымдар атап өткендей, демократиялық реформалар процесінде қазақстандық қоғамның деидеологизациясы және жас ұрпақтың рухани және адамгершілік дамуына теріс әсер еткен батыстық либералдық құндылықтардың отырғызылуы орын алды. Жас ұрпақты Отанға деген сүйіспеншілік пен Отанға деген адалдық рухында патриоттық тәрбиелеу мәселелері, мемлекеттің заңға бағынатын азаматтары адамзат дамуының бүкіл тарихында әрқашан ғалымдардың назарында болды. Оқытушы Нышанбай Ермекұлы бұл мәселеге көп көңіл бөлетінін тілге тиек ете : «Бүгінгі таңда көптеген рухани құндылықтар жоғалған кезде жасөспірімдерде еңбекқорлық, ар-намыс, әдептілік, мейірімділік, үнемі өзін-өзі жетілдіруге және оқуға деген ұмтылыс, тәртіп сияқты қасиеттерге негізделген адамгершілік құндылықтар жүйесін тәрбиелеу өте маңызды» екенін атап өтті.
Тәлімгер топ студенттеріне тақырып бойынша өнегелі ақпараттар бере отырып, студенттердің патриоттық сезімін арттыруға жұмыс жасауда. Сонымен қатар, еліміздің болашағы үшін маңызды қадам ретінде кезектен тыс өткен Президент сайлауының нәтижесінен хабар берді. Еліміздің Президенті Қасым-Жомарт Кемелұлы Тоқаевпен бірге болып болашақ жастардың қолында екенін, Жаңа Қазақстанды дамытуға өз үлестерін қосарына сенім білдіретіндігін баса айтты.