2025 жылғы 28 наурызда С.Ж. Асфендияров атындағы Қазақ ұлттық медицина университетінде Қазақстан Республикасы Денсаулық сақтау министрлігінің Ғылым және адами ресурстар департаменті, Фармация мектебінің профессор-оқытушылық құрамы, республикадағы медициналық колледждердің басшылары мен өкілдері қатысуымен дөңгелек үстел өтті.

Іс-шараның мақсаты – фармацевтикалық білім сапасын арттыру, білім беру бағдарламаларының, яғни техникалық және кәсіби білім беру, бакалавриат және магистратура сабақтастығын қамтамасыз ету.

Негізгі талқыланған тақырыптар:

• С.Ж. Асфендияров атындағы Қазақ ұлттық медицина университетінің 6B10104 – «Фармация» білім беру бағдарламасын талдау
• Колледждер мен жоғары оқу орындарының студенттеріне арналған «Фармакогнозия» оқулығының презентациясы
• Оқу-әдістемелік блок: фармацевтикалық білім беру саласындағы негізгі пәндер бойынша оқулықтар мен оқу-әдістемелік құралдар шығару:
• «Дәрілік формаларды дайындау технологиясы»
• «Фармацевтикалық іс»
• «Фармацевтикалық химия»
• С.Ж. Асфендияров атындағы ҚазҰМУ магистратурасының білім беру бағдарламасы бойынша колледж оқытушыларының академиялық дәрежесін арттыру мәселесін талқылау
• Фармация саласындағы тұрақты даму мақсаттарын қамтамасыз ету үшін білім беру деңгейлері бойынша ғылыми зерттеулер сабақтастығын қамтамасыз ету
• Колледждерде фармацевтикалық бөлім түлектерін 6B10104 – «Фармация» бакалавриат білім беру бағдарламасына қабылдау үшін кәсіби бағдар беру.

Дөңгелек үстелдің форматы – үш деңгейлі, яғни техникалық және кәсіптік білім – жоғары білім – магистратура білім беру бағдарламаларының сабақтастығын ескере отырып, 6B10104 «Фармация» білім беру бағдарламасының даму жоспарын талқылау:.

Фармация халықтың денсаулығын жақсартуда және өмір сүру сапасын арттыруда маңызды рөл атқарады. Заманауи фармация – бұл дәрі-дәрмектерді өндіру, дайындау және сату ғана емес, сонымен қатар терең білімді, ғылыми көзқарасты және жоғары кәсіби дайындықты талап ететін динамикалық сала.

Іс-шара барысында дөңгелек үстелдің барлық мәселелері талқыланып, 6B10104 «Фармация» білім беру бағдарламасы бойынша С.Ж. Асфендияров атындағы ҚазҰМУ білім беру деңгейлері сабақтастығын ескере отырып, толыққанды талдау жасалды.

Іс-шара қатысушыларының бірлескен жұмысының нәтижесінде төмендегідей келісімдерге қол жеткізілді:

– Қазақстан Республикасы Денсаулық сақтау министрлігінің Ғылым және адами ресурстар департаменті мен медициналық колледждердің С.Ж. Асфендияров атындағы Қазақ ұлттық медицина университетімен бірлесіп, медициналық және фармацевтикалық білім беру саласында межелік үйлестіруді жүзеге асыру үшін мемлекет саясатын жүзеге асыруға қатысу;

– колледждер мен жоғары оқу орындарының фармацевтикалық білім беру саласында тиімді өзара іс-қимылы, орта және жоғары білім арасындағы айырмашылықты қысқарту және бірыңғай білім беру кеңістігін қалыптастыру;

– фармацевтикалық білім берудің сапасын тұрақты түрде арттыру үшін үш деңгейлі білім беру бағдарламаларының сабақтастығын интеграцияланған тәсілмен қамтамасыз ету;

– колледждер мен жоғары оқу орындарында «Фармация» білім беру бағдарламасы бойынша студенттерге арналған қазақ және орыс тілдеріндегі оқулықтар/оқу-әдістемелік құралдарды шығару;

– университеттің ұзақ мерзімді жұмыс істеген тәжірибелі оқытушылары және колледж оқытушылары қатарынан жұмыс топтарын құрып, фармация бойынша «Дәрілік формаларды дайындау технологиясы», «Фармацевтикалық істі ұйымдастыру», «Фармацевтикалық химия» пәндері бойынша қазақ және орыс тілдерінде оқулықтар жазу;

– білім беру ортасының стратегиялық маңызды даму бағыты ретінде ҚазҰМУ базасында колледж оқытушыларының академиялық дәрежесін арттыру бастамасын қолдау;

– колледждерден ұсынылған пәндер мен сағат санының тиісті тізімдемесіне сәйкес ҚазҰМУ базасында колледж оқытушыларының біліктілігін арттыру курстарын ұйымдастыру;

– колледж басшыларына оқытушылардың магистратураға және докторантураға түсуін көздейтін жеке кәсіби өсу жоспарын әзірлеуді ұсыну.

Колледж студенттерінің кәсіби білімді жалғастыруға деген құлшынысын арттыру, фармацевтика саласының кадрлық резервін қамтамасыз ету және білім беру деңгейлері арасындағы сабақтастықты нығайту үшін төмендегілерді жүзеге асыру қажет:

– колледж түлектерін «Фармация» бағдарламасы бойынша кәсіби бағдарлауды «Колледж – Бакалавриат» жүйесіндегі басым бағыт деп тану;

– Фармация мектебі медициналық және фармацевтикалық колледждердің студенттері арасында «Үздік фармацевт» байқауын ұйымдастыру, Ашық есік күндерін, білім беру бағдарламалары жәрмеңкесін, университетке экскурсияларды өткізу;

– ақпараттық қолдауды күшейту: бакалавриатқа қабылдау шарттарының қолжетімділігін қамтамасыз ету, мансаптық өсу мүмкіндігі, қысқартылған оқу формасында колледж түлектерінің білім алу мүмкіндіктері туралы материалдар (бүктемелер, презентациялар, бейнероликтер) тарату.

Білім беру бағдарламаларының сабақтастығын ескере отырып, интеграциялық тәсілді қамтамасыз ету бойынша әрекет жоспарын келісу Дөңгелек үстелдің негізгі нәтижесі болды, яғни:

– оқу бағдарламаларын жетілдіру және оларды фармацевтикалық білім беру мен еңбек нарығының қазіргі талаптарына бейімдеу қажеттілігі расталды;

– колледждер мен жоғары оқу орындарының студенттеріне арналған «Фармакогнозия» оқулығының тұжырымдамасы ұсынылып, мақұлданды;

– фармацевтикалық білім беру негізіндегі пәндер бойынша мамандарды даярлау сапасын арттыруға мүмкіндік беретін оқулықтар мен оқу-әдістемелік құралдар шығару бойынша басым бағыттар айқындалды;

– С.Ж. Асфендияров атындағы ҚазҰМУ магистратурасы бағдарламалары арқылы колледж оқытушыларының академиялық дәрежесін арттыру тетіктері қаралды;

– фармацияның тұрақты дамуына қол жеткізу мақсатында барлық білім беру деңгейлеріндегі ғылыми зерттеулер сабақтастығын қамтамасыз етудің маңыздылығы анықталды;

– «Фармация» бакалавриат бағдарламасы бойынша колледждердің фармацевтика бөлімінің түлектерін оқытуға кәсіби бағдар берудің негізгі мәселелері айқындалды.

 

Резолюция дөңгелек үстел қатысушыларының келісімімен қабылданды, дөңгелек үстел жұмысына 30-дан астам адам қатысты: ҚР ДСМ Ғылым және адами ресурстар департаментінің өкілі Наурызбаева А.С., Фармация мектебінің деканы Сакипова З.Б., медициналық колледждердің басшылары мен оқытушылары, сондай-ақ С.Ж. Асфендияров атындағы ҚазҰМУ Фармация мектебінің деканаты мен профессор-оқытушылық құрамы.