2026 жылғы 22 қазанда С. Ж. Асфендияров атындағы Қазақ ұлттық медицина университетінің Фармация мектебінде аумақтарды абаттандыруға, тазалықты сақтауға және экологиялық мәдениетті қалыптастыруға бағытталған республикалық «Таза Қазақстан» экологиялық бастамасын қолдау мақсатында кезекті сенбілік өтті.
Іс-шараға Фармация мектебі деканатының қызметкері Даутова Жадыра Багдаулетовна, бірінші курс кураторлары Ибадуллаева Ғалия Сәруарқызы мен Джакиянов Амангельды, сондай-ақ бірінші курс студенттері белсенді қатысты.
Қатысушылар экологиялық бастаманы зор ынтамен қолдап, аумақты тазалау және абаттандыру жұмыстарын бірлесіп атқарды. Сенбілік ұйымшылдық, өзара қолдау және көтеріңкі көңіл күй жағдайында өтіп, қызметкерлер мен білім алушыларды ортақ мақсатқа жұмылдырды.
Бірінші курс студенттерінің аталған іс-шараға қатысуы олардың экологиялық мәдениетін қалыптастыруға, қоршаған ортаға жауапкершілікпен қарау дағдыларын дамытуға, сондай-ақ білім алушылар, кураторлар және Фармация мектебінің қызметкерлері арасындағы өзара ынтымақтастықты нығайтуға ықпал етті.
Мұндай іс-шараларды өткізу әлеуметтік жауапкершілікті, ұжымдық еңбек мәдениетін және қоршаған ортаға ұқыпты қарауды дамытуға бағытталған университеттің тәрбие жұмысының маңызды құрамдас бөлігі болып табылады.
С. Ж. Асфендияров атындағы ҚазҰМУ Фармация мектебі «Таза Қазақстан» бастамасын қолдауды жалғастыра отырып, экологиялық мәдениетті қалыптастыруға және таза, жайлы әрі қолайлы университеттік орта құруға өз үлесін қосуда.
