С.Д. Асфендияров атындағы Қазақ ұлттық медицина университеті КеАҚ Фармация мектебінде 2026 жылғы 12–16 маусым аралығында B085 – «Фармация» білім беру бағдарламасының түлектері 2025–2026 оқу жылының тәуелсіз емтиханынан өтеді.
Қорытынды аттестаттау білім беру процесінің қорытынды кезеңі болып табылады және түлектердің білім беру бағдарламасын меңгеру деңгейін, кәсіби құзыреттерінің қалыптасуын және фармация саласындағы кәсіби қызметке дайындығын анықтауға бағытталған.
Түлектердің білімі мен практикалық дағдыларын бағалаудың объективтілігі мен тәуелсіздігін қамтамасыз ету мақсатында қорытынды аттестаттауды өткізуге тәуелсіз емтихан алушылар — фармация және денсаулық сақтау саласындағы білікті сарапшылар тартылды.
Комиссия төрайымы: Картбаева Эльмира Бекболовна — PhD, әл-Фараби атындағы Қазақ ұлттық университеті КеАҚ іргелі медицина кафедрасының доценті.
Бірінші кезең 2026 жылғы 12 маусымда келесі пәндер бойынша кешенді компьютерлік тестілеу түрінде өтеді:
- Фармакогнозия
- Дәрілік түрлер технологиясы
- Фармацевтикалық химия
- Фармацияны ұйымдастыру және экономикасы
Екінші кезең 2026 жылғы 16 маусымда өтеді және түлектердің практикалық дағдыларын келесі бағыттар бойынша бағалауға бағытталады:
- Дәрілік өсімдік шикізатына фармакогностикалық талдау жүргізу
- Дәрілік заттардың фармацевтикалық технологиясы
- Дәрілік заттардың сапасын бақылау
- Дәрілік заттарды қабылдауды, есепке алуды, сақтауды және өткізуді ұйымдастыру
- Фармацевтің коммуникативтік дағдылары
Кафедралар бойынша жауапты тұлғалар:
- Фармацевтикалық және токсикологиялық химия кафедрасы: Бошкаева А.К., Масакбаев А.Д.
- Фармацияны ұйымдастыру, басқару және экономикасы және клиникалық фармация кафедрасы: Жакипбеков К.С., Сейтова Ж.Д., Егізбаева Ш.А.
- Ботаника курсы бар фармакогнозия кафедрасы: Саякова Г.М., Хамитова А.Е., Ан В.С.
- Фармацевтикалық технология кафедрасы: Раганина К.Т., Ибадуллаева Г.С., Аюпова Р.Б.
Түлектерді қорытынды аттестаттауға дайындау бойынша консультациялар Фармация мектебінің бейінді кафедраларында күн сайын өткізіледі.
Барлық сұрақтар бойынша Фармация мектебінің деканатына жүгінуге болады.
Байланыс тұлғасы: Фармация мектебі деканының орынбасары Жуматай Ж. (ішкі нөмірі 77-71).
Түлектерге қорытынды аттестаттаудан сәтті өтіп, жоғары нәтижелерге қол жеткізуді тілейміз!
